أول تعليق لـ مى حلمى على ارتباطها بتامر شلتوت
الأحد 18/يوليه/2021 - 12:21 ص
مى حلمى
محمد نوح
طباعة
هاجمت الإعلامية مى حلمى، الفنان تامر شلتوت، بعد نشره صورتهما نافية جميع الأخبار المتداولة عن خطبتهما.
وكتيت مى حلمى من خلال "استورى" على صفحتها الشخصية على "انستجرام": "كل واحد عاوز يركب التريند وما بيخدش باله من أذيته لغيره.. بحب زمايلى وبحترمهم جدا لكن مش طبيعى بعد إعلانى لارتباطى بيومين تيجى تتصور معايا لما شوفتنى فى الطيارة بالصدفة، وتحط قلب على الصورة وتسيب عنصر التشويق للجمهور ومافيش إحساس للغير".
وأضافت الإعلامية: " ليه إيه الإفادة؟ كان ممكن زى ماوضحت للناس بعدها بست سبع ساعات، كنت تكتب صدفة حلوة زميلتى العزيزة مى أوقع، أنا بحب الكل ومابحبش أشوف الناس وحشة، مهما حصل لكن ده بيأذينى أنا وماكنتش مستهلة القصة عشان حبة أخبار ملهمش لزمة غير أنهم يضرونى فى نفسيتى مش أكتر وقت فرحتى، معرفش كان المفروض اتصرف إزاى كنت أرفض الصورة لكن أكيد مش هعرف نوايا الغير".
وتابعت :" إلى عيلتى العزيزة المحبة، ماتنزلش أخبار من عندى ماتصدقوش غيرى وأرجوكم احترموا قرارى أنى أعمل بيت وعيلة فى هدوء دون زحام".
كان الفنان والإعلامى تامر شلتوت نفى عبر حسابه على موقع التواصل الاجتماعى "فيس بوك"، شائعة ارتباطه بالإعلامية مى حلمي، حيث دون: " للتوضيح.. أنا مسافر لشغل فى شرم الشيخ وقابلت الزميلة مى حلمى صدفة فى الطيارة.. بس كدة".
