تامر حسنى يعلن عن طرح أغنية جدبدة يا فرحة قريبا

وكتب الفنان تامر حسنى ، يا صباح الفل و الحب و التفائل على اغلى ناس ، اغنية يا فرحه مش هستنى تنزل الصيف اللى جاى.. عشان كدا قررنا نعملكوا فكره ان شاء الله تعجبكوا و هتنزل قريب اوى اوى اوى و هنفرح بيها الفتره دى مع بعض و ربنا يحقق لكل واحد فيكوا الفرحه اللى مستنيها يااااااااارب 

وكان النجم تامر حسنى، وجه رسالة إلى المونتير عمرو عاكف أشاد فيها بموهبة فى الجرافيك والمونتاج، كما بارك له على افتتاح مقر جديد لشركته.

ونشر نجم الجيل، عبر خاصية الأستورى بحسابه الشخصى بموقع تبادل الصور والفيديوهات الشهير إنستجرام، صورة تجمعه مع عمرو عاكف، وعلق عليها، قائلا:"يا عمرو يا حبيبى انت إنسان محترم و فنان كبير وتستحق كل التقدير والاحترام عشان مجتهد".

وأضاف:"عرفت فى وقت قلیل توصل فى مجالك للمستوى العالمى و انا جنبك من زمان لإنى شوفت فيك کدا من زمان ولسه عندك اكتر يابطل و مبروك مليون مبروك على الصرح الكبير شركتك الجديدة، يارب كل النجاح ليك ولكل افراد شركتك".

ويأتى ذلك بعدما أعلن عاكف، عبر حسابه الشخصى بموقع التواصل الاجتماعى عن تعاونه فى عمل جديد مع نجم الجيل تامر حسنى بعد نجاح فيلم "مش أنا"، قائلا:"تامر حسنى اخويا الكبير وحبيبى اول واحد بيباركلى على أى نجاح واول واحد كان جمبى فى ازمتى الاخيرة.. بيدينى طاقة ايجابية غريبة بقعد اتكلم معاه بتعلم كل حاجة.. مهما قولت صعب اوصف جدعنتك وحقيقى اد اية انت ملهم لاى حد يعرفك وقريب منك، كليب جديد ونجاح جديد ان شاء الله".