أحمد موسى: أبو جبل وش السعد والشناوي بطل.. والبطولة بتنادي "مصر" (فيديو)
الأربعاء 26/يناير/2022 - 09:33 م
وجه الإعلامى أحمد موسى، التحية إلى المنتخب المصرى بعد تخطيه منتخب كوت دى فوار، وكارلوس كيروش مدير منتخب مصر، بعد الفوز الهام الذى صعد بالمنتخب لدور الثمانية، والتأهل لمقابلة فريق المغرب.
وأضاف أحمد موسى، خلال تصريحات تليفزيونية، ببرنامج "على مسئوليتى"، المذاع على قناة "صدى البلد"، ولاد مصر رجالة، قلنا امبارح وكان عندنا ثقة كلهم رجالة، كل واحد موجود فى الكاميرون راجل موجود بيدافع عن مصر، عن اسم الغالية.
وتابع: أبو جبل وش السعد النهاردة، شال الضربة اللى هتخلينا نقابل المغرب، ؤربنا كرمنا كرم كبير، رجالة بجد، والشناوى البطل كان بطل لحد ما خرج.
وأكمل: كان عندنا الثقة إن منتخبنا مش ممكن يرجع، احنا مستمرين وموجودين وإن شاء الله البطولة بتاعتنا كيروش النهاردة مدير منتخب عالمى، لعب بخطة متوازنة.
وأشار: إلى أن الهدف الذى أحرزه محمد صلاح هو هدف الصعود "مين يعملها غير أبوصلاح"، لكم كل الاحترام، بنتكلم عن بلد واسم بلد كبيرة، ومبروك لـ 100 مليون؛ واحنا نستحق الفوز والصعود.
وأختتم: مفيش حد قصر النهاردة، كلمة السر انهاردة "مصر"، منتخب مصر أفضل من فريق المغرب البطولة بتنادى مصر.
