التحقيق في انتحار شاب بالإسكندرية.. ومصدر أمني: يعاني من حالة نفسية

وتلقت الأجهزة الأمنية بمديرية أمن الإسكندرية، إخطارًا من شرطة النجدة، يفيد بوفاة شخص أعلن الإقدام على الانتحار على موقع التواصل الاجتماعي على فيس بوك. 

وعلى الفور انتقلت الأجهزة الأمنية رفقة سيارة إسعاف إلى موقع الحادث وتبين أن المتوفى شاب، طالب، وجرى نقل الجثمان إلى مشرحة كوم الدكة لمعاينة الجثمان والتصريح بالدفن بعد انتهاء التحقيقات اللازمة.

وقال مصدر أمني، إن الإجراءات الأولية، أكدت أن الشاب المتوفي يعانى من ظروف نفسية منذ فترة وأنه كان يحصل على العلاج نتيجة حالته النفسية السيئة.

وكانت صفحات التواصل الاجتماعي شهدت رسالة من أحد الشباب فى الإسكندرية يدعى سامح محمد، طالب، أعلن التخلص من حياته متمنيا من الجميع الدعاء له بالمغفرة. 

وكشف أحد أصدقاء الشاب المتوفى، أنه يجرى الآن إنهاء كافة الإجراءات والتصاريح اللازمة لإنهاء إجراءات الدفن، موضحًا أنه لم يتحدد حتى الآن موعد الجنازة.

وفي رسالة مؤثرة كتب الشاب المتوفى: أتمنى محدش ينساني إن مكنتش معاكم، مستكملا: نفسي أي حد زعلته أو قصرت معاه يسامحني ويدعي لي، نفسي لما الإمام يسألكوا قبل صلاتكم عليا ما خطبي أكون فعلا حد كويس وتشهدوا ليا بدا قدام ربنا.

أخويا هيحاول يلغي البوست ويقفل الأكاونت، مهما طلب منكم ده متسمعوش لو بتحبوني.. كلمات أضافها الشاب في رسالته، متابعًا: أتمنى لو حد في عمرة أو رايح حج تخلوه يعمل حسابي في دعائه وأتمنى لو يعمل لي عمرة أو حج وجزاه الله الفردوس الأعلى يارب، وأكد: مفيش حد من أصدقائي يحس بالذنب إنتوا ملكمش ذنب.

واستكمل الشاب: مش مسامح أي حد في اللي حالي دا وصله، آخر سطر كان مكتوب إنتوا السبب في انتحار واحد زيي عاش مظلوم، ويوم ما يموت يموت حرام، أنا آسف لو ضايقت حد بحاجة من اللي فيا، المشكلة إن اللي سمعته مش عبارة عن أغنية، ده أمر واقع هتلاقيه فيها وفيك وفيا.

وقال الشاب في رسالته: أنا حالة مريض متأخره ملاقاش معاه غير ضله، ومش مسامح أي حد في اللي حالي دا وصله، المرض بتاعنا آخره موت عشان ملهوش أدوية.

وأضاف سامح: سامح كل الناس، ما عدا 2 دمروا حياتي بكل ما تحمله الكلمة من معاني وظلموني، أنا آسف مقدما لأي حد أذاه الخبر دا بس غصب عني، صبرت على قد ما قدرت، أتمنى تقولوا بخشوع اللهم اني سامحت سامح فيما فعله لي وإني أشهدك على هذا، اللهم اشفع له واعصمه من النار وادخله الفردوس الأعلى.

ووجه الشاب رسالة لطبيب نفسي قائلا: إنت حرام يتقال عليه دكتور، اللي يحكم على الناس من غير ما يسمع لهم ولا يشوفهم حتى، اللي يقول لمريضه اللي هو أنا لو عايز تموت نفسك روح، وبيقوله أنت مش مريض نفسي ولا جسدي، وفي نفس الوقت كاتبله 7 برشامات في اليوم لمدة 3 شهور تقريبا.

واستكمل سامح: شكرا لكل حد ساعدني ولو بكلمة أو بدعوة في سره لأنه فعلا ساعدني أفضل عايش للحظة دي، ومحدش من صحابي يحس بالذنب لأن ملهمش ذنب.