زينة العلمي.. حققنا ثاني الكأس لأول مرة في تاريخ النادي البرتغالي

وصرحت زينة قائلة :- من زمان وأنا نفسي أخد الخطوة والعب في أوروبا . 

وأضافت اللاعبة قائلة :- إحساس مختلف إني أسافر العب برا بلدي في دوري مختلف تماما ومستوي مختلف عن مصر وشكل حياة مختلف ، ومش سهل التأقلم مع كل التغييرات دي ولكن كان عندي استعداد من أول يوم إني اتأقلم علي كل حاجة وابتديت في تغيير روتين يومي في الأكل والنوم والتمرين ومش بركز مع أي حاجة تانية والحمد لله قدرت اتأقلم مع الوضع بشكل أسرع .

وأسردت اللاعبة عن المقارنة بين الدوري في مصر والبرتغال قائلة :- الفرق كبير جدا لأن الدوريات في أوروبا مستوي الإحتكاك فيها أقوي بكتير ، هنا في البرتغال الدوري مكون من ١٢ فرقة غالبا ١٠ فرق منهم مستواهم متقارب جداً ودة مخلي الدوري قوي جداً والاحتكاك قوي بين الفرق وكل ماتش بيتلعب مش متوقع مين اللي هيكسب ودا بيخلي في متعة وحماس في كل فرقة ، 

وأكملت :- طريقة ونظام اللعب مختلفة تماماً سواء في السرعة او القوة او اللياقة البدنية او التخطيط . 

واستكملت :- الفرقة السنة الماضية كانت واخدة ثالث كأس البرتغال وخامس الدوري ، والحمدلله السنة دي قدرنا نحقق ثاني كأس لأول مرة في تاريخ النادي ولسة في مرحلة الترتيبية للدوري .  

وواصلت زينة حديثها قائلة :- من أول يوم جيت هنا وأنا هدفي إني أعمل أقصي حاجة انا ممكن أوصلها وإني باخد الفرصة في إني أظهر قدراتي وإمكانياتي والحمدلله ربنا كرمني وبيكرمني .

وأختتمت حديثها قائلة :- طموحاتي إن نقدر نحقق مركز كويس في الدوري بفوز الماتشات الجاية كاملة إن شاء الله .