سارة حسن: حققنا هدف الصعود للممتاز بعد عناء كبير
الخميس 21/مايو/2026 - 08:06 م
أحمد حنورة
طباعة
بعد صعود فريق الزمالك لكرة السلة سيدات للدرجة الأولي التقينا بأبرز نجوم الفريق إنها اللاعبة سارة حسن لاعبة مركز ٢ وتجيد اللعب أيضا في مركز(١،٣)لتحكي لنا أسرار الفوز والصعود وإليكم نص الحوار :-
ما هو إحساسك بعد الصعود للدوري ؟
إحساس جميل وسعيد .. سنة كاملة تعب وضغط وتمرين وإصابات ودموع وفرحة ، وكل ده كان علشان اللحظة دي
الحمدلله قدرنا ناخد الكاس ونحقق حلم الصعود للممتاز أ .
وأضافت اللاعبة :- فخورة بكل بنت كانت سبب في الرحلة دي، بكل مجهود اتبذل حتى لو محدش شافه ، وإحساس إنك تشوف تعبك بيتحول لنجاح ميتوصفش أبدا ، وده لسه البداية وفي الممتاز أ إحنا جايين .
وأسردت سارة قائلة :- كنت في المعادي وبطلت لعب ورجعت للزمالك في شهر يناير الماضي .
من الذي رجعك ؟
كابتن محمد عبد الباقى .
ما هي طموحاتك مع الفارس الأبيض ؟
إننا نحقق مركز كويس في الموسم الجديد باذن الله .
لماذا قررتي إنك تبطلي لعب كرة سلة ؟
لأني حسيت إن تعبي بيروح علي الفاضي .
لماذا عدتي من جديد ؟
كنت حاسة إني محتاجة أرجع تاني ولازم أعمل حاجة حتي لو هبطل بعدها بس أكون عملت حاجة ليا والحمد لله ساهمت مع الزمالك في الصعود .
ما هو دور أسرتك معك ؟
هما أكبر داعم ليا في إني أرجع ألعب من جديد وتعبوا معايا جدا سواء في حضور الماتشات باستمرار وغيره .
وأختتمت اللاعبة الحوار قائلة :- بشكر الجهاز الفني علي تعبهم معانا طول الموسم .
