محمد صلاح يروى قصة حبه مع أم مكة (فيديو)
الخميس 03/مارس/2022 - 11:12 م
رشا ثابت
طباعة
روى محمد صلاح نجم منتخبنا الوطنى المحترف فى صفوف ليفربول الإنجليزى قصة حبه بأم مكة قائلا:": باخد بالى من أم مكة طبعاً، والناس بتحب زوجتى لأنها ست مصرية على طبيعتها، مهما أقول لن أوفيها حقها لأنها أكثر شخص يعانى معى وتهتم بالأطفال فى غيابى وأحياناً يكون على ضغط ومودى مش حلو، وهى عليها ضغط بشكل مختلف".
أضاف صلاح خلال حلوله ضيفا مع الإعلامية إسعاد يونس، فى برنامجها "صاحبة السعادة" على قناة دى إم سى:" احنا من بلد واحدة وكنا مع بعض فى المدرسة، وعلاقتنا بدأت بخناقات واتكلمنا سنتين وهى فى الجامعة وبعدها ارتبطنا رسمى".
وواصل صلاح :" اتعرفنا على بعض وعرفنا بعض كويس وبعدما ظبطت أمورى بسويسرا وقبل توقيعى لتشيلسى اتجوزنا كان وشها حلو عليا، وبعد ذلك انضميت إلى تشيلسى" وأضاف مازحاً: ملعبتش ومكانش وشها حلو عليا وقلتلها انتى السبب وزوجتى هادية بطبعها وظهورها قليل على السوشيال ميديا".
