هنادي مهنا: كنت رشيقة فترة الجامعة.. والمحشي والمسقعة سبب زيادة وزني
الأربعاء 29/يونيو/2022 - 04:15 م
رشا عمار
طباعة
كشفت الفنانة هنادى مهنا، عن سر رشاقتها وخسارتها لوزنها، موضحة أنها كانت فى إسبانيا خلال فترة الجامعة تتحرك بشكل كبير وكانت رشيقة.
وتابعت خلال حوارها إلى برنامج "كلمة أخيرة"، الذى تقدمه الإعلامية لميس الحديدى على قناة "ON": "لما جيت مصر كان فيه دلع كتير أوى، محشى وحمام ومسقعة ودى حاجات مينفعش تتساب وماتتكلش".
وتابعت: "كنت بدرس فى إسبانيا فى مجال هندسة الصوت بمجال الموسيقى لأنى كنت بحب المزيكا أوى وكان حلمى إنى أغنى قبل التمثيل واكتسبت ده من الجينات من والدى، ولما جيت مصر اشتغلت مدرسة ودرست كذا حاجة وكنت فاتحة شركة مع بابا وأنا بحب اشتغل من صغرى حتى فى الصيف ومش بحب أقعد فى البيت".
وأوضحت: "لما اشتغلت ممثلة مكنتش مستوعبة طبيعة الشغلانة وأن الشغل موسمى ممكن يبقى مكثف شهرين متتالين ثم شهرين أخرين قاعدين فى البيت مش بنعمل حاجة ودى كانت حاجة بالنسبة لى فيها إحساس غريب وكنت بقول فيه حاجة غلط لأنى متعودة على الشغل اليومى وأن أنام وأصحى عشان ورايا شغل".
