أمير كرارة: كنت مرعوب من كوميديا "البعبع"
الأربعاء 28/يونيو/2023 - 11:39 م
فيروز محمد
طباعة
تحدث الفنان أمير كرارة عن فيلمه الجديد "البعبع"، الذى يشارك به فى موسم أفلام عيد الأضحى، موضحاً أنه كان خائفاً من خوض التجربة فى الأعمال الكوميدية لأول مرة، قائلا: "كنت مرعوب من الفيلم ده".
وأضاف خلال حواره مع الإعلامية منى الشاذلى فى برنامج "معكم منى الشاذلى" على قناة cbc، أن هذا الفيلم خرج للنور بطريقة غريبة ومختلفة بالنسبة له، قائلا: "لما بتفرج على أفلام أجنبى بيبقى فيها أكشن وكوميديا وو.. بيتهيألى الفيلم ده مختلف وبقالنا زمن متعملش الأكشن الكوميدى بالشكل ده".
أوضح كرارة أن بداية الفيلم كانت بلقاء جمعه مع المؤلف إيهاب بليبل، حيث عرض عليه الأخير الفيلم وأعجب به، قائلا: "إيهاب قعد حكالى الفيلم كله بالحوار بتاعه وبقيت اضحك من حكيه، مع إنه مكنش لسه كتب الفيلم.. وعجبنى.. بس عدت سنة ونص بدون تنفيذه لأن اتشغلنا احنا الاتنين".
تابع: "جه المخرج حسين المنباوى وقالى عاوزين نعمل فيلم.. فقلت له عندى فيلم وبعتهوله، بعد 3 ساعات اتصل وقالى ده فيلم حلو جدا متسبهوش ده فيلم مقفول بالمفتاح مفيهوش غلطة.. وفعلا كلمنا إيهاب والمنتج وقعدنا واتفقنا وبدأنا تصوير على طول".
وأشار أمير كرارة إلى أنه كان لديه تخوفات من تجربة الكوميديا لأول مرة، لكن كان هناك العديد من العوامل المطمئنة فى العمل بالنسبة له، مثل الأبطال محمد عبد الرحمن ومحمد أنور وباسم سمرة وياسمين صبرى.
الكلمات المفتاحية
