بوجه متورم فريدة سيف النصر: معرفش من إيه بس أدعولي

نشرت الفنانة فريدة سيف النصر، صورة لها عبر حسابها الشخصى على موقع التواصل الاجتماعى "فيس بوك"، يظهر فيها وجهها الذي بدى متورم بشدة وفقا لها دون سابق إنذار أو إجرائها لعمليات تجميل فى الوجه أو ما شابه، مناشدة متابعيها وزملائها بالدعاء لها لتخطي تلك المحنة، التي لا تعرف سببها.

علقت  فريدة سيف النصر على الصورة قائلة "ممكن تدعوا لى من قلبكم، بجد أول مرة أبكى زى الأطفال، أنا أصلًا بتحمل لكن مش قادرة، ده مش ماكياج ده وشى بدون سابق إنذار صحيت بصوت نص الليل ودى رابع مرة يحصل لى حاجة غريبة فى وشى وأكون بشتغل، يعنى مش وقته".

وتابعت في وصف حالتها الصحية الغامضة التي لم تتبين أسبابها بعد: "استغفر الله، أحسن من غيرنا سامحنى والنبى اللهم لا اعتراض، عاملة زى الكورة الكفر عينيا مقفولة وبوءى مدلدل حتى حواجبى وارمه، يخرب بيت كده أنا اديتكم نص الوش علشان حقيقى مش أنا، رعب والله تغيير سريع سبحان الله والحمد لله.. مش هزار، تحت أسنان سليمة 4 خراريج إزاى مش عارفين، عملنا بانوراما كاملة والدكتور مستنى الالتهاب يروح والورم بحقن الفنتيرن قوية وأوجمنتين،  وبعدين يقرر فى إيه؟".

 

وأكملت  سيف النصر باستغراب: "هو نفسه بيسأل فى إيه؟ هو أنا اللى هاعرف يا دكتور وطبعًا الفليكتور منيمنى على روحى لأن الألم الحمد لله ما يتحملوش إلا حد مستسلم لإرادة ربنا ويشكره، المشكلة الشغل ومفيش وقت لا حول ولا قوة إلا بالله، لازم يصوروا من غيرى وأنا وافقت هاعمل إيه!..؟؟".

واختتمت كلامها طالبة من جمهورها الدعاء لها "قدر الله وما شاء فعل، حاضر حبيبى يا ربنا كل اللى تجيبه راضيه والحمد لله هو ما بيجيبش حاجة وحشة أبدًا قضا أخف من قضا لو هافدى الغاليين كلهم أنا جاهزة، ادعوا لى، آسفة عالصورة بس أنتم حبايبى وهاتتحملوا ده أنا لسه منزله عالصفحة لايف بالنظارة الفراشة امبارح باين طلعت فراشه ملوثة، الآذان سلام بقى".